Rimaykullaykichik wawqipaniykuna,
Llapanchik peruano kanankikpaqqa, llapanchikmi kaqllaqina rikukunanchik. Karunqañam pichqa pachaq watañachiki disdi españulkuna chayamusankumanta, chaymanta kunankama manaraq kaqlla qina rikunakunchikikchu. Peruanoqina igualya kananchikpaqa kachkanraqmi achka ñakaykuna chinkachinapaq, quñuyllapi kawsananchiktam sasachakusun mana chaykunata pisichispaqa. Allinta rikukuptinchikqa, kunankaman runamasinchikwan chiqninakuchkanchik, pinqapanakuchkanchik, qaqtinakuchkankik, chaynallataq llaqtanchikkunapi kachkanran llakiykuna wakcha vida kasanmanta, wawpipaninchikkunataqmi mana llamkaykunata tarinkuchu, qukkunañataq unquypi tarikunku. Sasachakuykunapin kakuchkanchik. Tukuy chaykunawan lliwninchikta manaraq peruanokaqlla qina rikunawanchikku, aswan karuman qina qarkanawanchik.
Ichaqa llanqamanta avicisqa rikuriramuy quñunakuy tiempukuna. Chaypiqa ari, kusisqalla qawanakunchik, ari, llapanchikmi peruano kanchick nisparaq asispa purikunchik. Kunan kay pasay tiempo qinapi, llapan runamasinchik kusisqaya qawanakunku chay selección peruana pelotata qaytaptin. Chaypqapa quñunakunchik goolkuna qaparkachanapaq, bandera peruanayuq pachakuna rantikunapaq. Lliw perusuyunchikpi runaqa peruanum kani nispa rikurirunku
Ari, allinmi chaywan kusisqa kayqa; allinta qawaptinchikqa pensarikunapaqmi imayna chay chunka hukniyuq pukllaqkuna llapan peruanukunata kusirichiy atisankumanta chay pelota qaytadawan; ichaqa aswan mana llalliptinkuqa, chaypiqa qaqtillaña, utaqmi llakillaña runakuna rikurirunku. Chaymantaqa chay pelota qaytay pukllay tukuptinqa, peruanokaqlla qinaqa kayqa qunqanakurunña upaqman; kaqllamantañataq chiqnanikuchkanchik, qaqtinakuchkanchin, intrillaqtamasipura mana yanapanakunkichpaschu. Ari, ratupaqa tukuy runakunam kusipanakunchik pelotapukllaywan, allinmi chay; aswan, ¿chaymantaqa? ¿Imanasataq maña quñunakunkikchu?, pelota qaytayqa sintichikullya kaptimi, manamiki lliw runakunachu pelotamantaqa sapapunchaw kawsanku, manataqmi pelota qaytallyapichu umankuna kachkanchu.
Chayta rikuspanchik umanchikman qawarichispa watukuspam maskananchik, ¿Imawantaq? ¿Imatataq rurananchikman peruanokaqlla qina rikukunchikpaq? ¿Imataq kanman sapapunchaw quñunawanchikpaq, mana sintikuyllapichu? Tukuy chaykunata rikuspaymi, ñuqa nini: ¡wawqipaniykuna, runasiminchikwanmi peruanopura quñunakuyta atinchikman!
Sichu qipa pachapiqa runasiminchkikrayku, chiqnisa karanchik kallpasapa capaqkunawan; sichu qipa pachapiqa qunqasa llaqtanchik kasanmanta quk llaqtakunaman ripukuranchik; kunan punim kaqllamanta runasiminchikta mirachispa, runasiminchikta rimarispa, runasiminchikta yachachispa; kaqllamanta quñunakuyta atinchikman. Ari wawqipanikuna, runasinminchikwanmi peruanokaqlla qina rikuriyta atinchikmam. Ichaqa manan runasimillapichu chay quñunakuy kanman, aswan allinmi kanman kaywan qallariyqa. Sumaq ñantam siqpichikmanchik.
Ichalla ñaupapiqa rakinasqa rikukuranchik runasiminchikta pinqakuspa, chacra vida campesino kasanchikmanta ichalla qarqasa karanchin; ichalla wawanchikkunaqa manaña runasimipichu qispichiranchik. Kunanqa wawqi panikuna, umanchikunata altuman qawarichisun. Kunan tiempuqa kallpayuqñam kachkanchik, wawanchikkunapas istudiukunatañam qapirunku, tukuy chay tecnología nisankutapas allintañam qapichkanchik. Ñuqanchikpiñam chay kallpa kachkan.
Kaypi qillqayqa chayraqmi chayarichkan, kaymantan rimasunchik runasiminchikmanta, ñaupa willakuynichikmanta, custumbrinchikkunamanta. Achkan wawqipaninchikkuna kachkan kay runasiminchiy mastay llamkaypi, paykunamantapas rimapakusunmi ancha riqsikunanchikpaq.
Kunam punchawsi kay ciudad qatun llaqtakunapi rikurikuchkanchik la mayoria runasimipi rimaqkuna. Lima llaqtapis kachkan aswan pichqa pachaq waranqa runasimipi rimaqkuna. Ichalla taytamamaykuna, wawqipaniykuna llaqtanchikkunata saqirqanchik kaykunapi tiyananchikpaq, manañataqmi kunanqa sapayanchikchu kachkanchin.
«Wakkunam ripuspam, rakinakuranchik; aswan allinta qawaspaqa, kaypitaq kuska kunanqa rikurirunchik ¿quñunakusunchikya?»
Tupananchikkama wawqipaniykuna
